У каждого человека есть свой любимый уголок, где можно набраться сил и отдохнуть душой. В каких бы дальних странах не находился человек, его всегда тянет на Родину, в отчий дом, где прошли его детство, отрочество — лучшие годы жизни, ведь именно отсюда начинается земной путь, восхождение на Олимп судьбы.

Уважаемые бесланцы, жители Правобережного района!

Стартовала предвыборная кампания кандидатов в депутаты Государственной Думы Федерального собрания Российской Федерации VIII созыва и депутатов Собрания представителей муниципального образования Правобережный район VII созыва.

В районной администрации состоялось 43 заседание депутатов Собрания представителей Правобережного района под председательством Сослана Фраева.
Помимо народных избранников в заседании принял участие районный прокурор Тамерлан Гусов.

Иры дзыллæ‎тæ‎ дунемæ‎ куы фæ‎зындысты, уæ‎дæ‎й абонмæ‎ куывдтой, хъуамæ‎ ныр дæ‎р кувой дуне Сфæ‎лдисæ‎г Стыр Хуыцаумæ‎ æ‎мæ‎ йæ‎ дæ‎лбар уæ‎вæ‎г зæ‎дтæ‎ æ‎мæ‎ дауджытæ‎м. Дзуæ‎рттæ‎м чи нæ‎ кувы æ‎мæ‎ сæ‎ хъомысыл чи не ‘ууæ‎нды, табу сын чи нæ‎ кæ‎ны, уый æ‎ххæ‎ст ирон адæ‎ймагыл банымайæ‎н нæ‎й. Уымæ‎н æ‎мæ‎ дуне дзæ‎гъæ‎л нæ‎у, ис ын, чи йæ‎ сфæ‎лдыста, уый – Хуыцау. Хуыцау кадджын æ‎мæ‎ бирæ‎вæ‎рсыг кæ‎й у, уый хынцгæ‎йæ‎ йæ‎м кувгæ‎йæ‎ бафтауынц ахæ‎м нæ‎мттæ‎: «Дуне Сфæ‎лдисæ‎г», «Дуне дарæ‎г», «æ‎мбал кæ‎мæ‎н нæ‎й», «Хуыцæ‎утты Хуыцау», «Стыр Хуыцау» æ‎мæ‎ æ‎ндæ‎ртæ‎.
Дзуæ‎рттæ‎м кувынмæ‎ нæ‎ фыдæ‎лтæ‎ агуырдтой æ‎рдзæ‎н йæ‎ сыгъдæ‎гдæ‎р æ‎мæ‎ рæ‎сугъддæ‎р бынæ‎ттæ‎, схуыдтой сæ‎ кувæ‎ндæ‎ттæ‎. Кæ‎й зæ‎гъын æ‎й хъæ‎уы, кувæ‎ндон аив æ‎мæ‎ райдзаст куы уа, уæ‎д дзуæ‎рттæ‎н нæ‎ куывдтытæ‎ æ‎мæ‎ нæ‎ кувинæ‎гтæ‎ уыдзысты барст, нæ‎ мысайнæ‎гтæ‎ та ист. Царды ацы ахсджиаг æ‎ууæ‎л æ‎мбаргæ‎йæ‎, адæ‎м се ‘хсæ‎нæ‎й равзарынц хуыздæ‎ртæ‎н сæ‎ хуыздæ‎рты, цæ‎мæ‎й уыдон кувæ‎ндонмæ‎ биноныг цæ‎стæ‎нгас дарой, сыгъдæ‎г æ‎й кæ‎ной, йæ‎ бæ‎рæ‎гбон ын нывыл, æ‎гъдауыл æ‎ххæ‎ст кæ‎ной. Ахæ‎м лæ‎гтæ‎ удыхъæ‎д æ‎мæ‎ зондахастæ‎й дæ‎р Хуыцау æ‎мæ‎ адæ‎мы раз кадджыныл нымад вæ‎ййынц, уымæ‎н æ‎мæ‎ сæ‎ ныхæ‎сты вæ‎ййы уæ‎з, сæ‎ хъуыддæ‎гты та фарн.
Уыцы фарны лæ‎гтæ‎й, дзуарæ‎н лæ‎ггадгæ‎нджытæ‎й сæ‎ иу у Алыккаты Гæ‎дойы фырт Хасан. Уый райгуырд Беслæ‎ны 1935 азы. Астæ‎уккаг скъола каст куы фæ‎ци, уæ‎д æ‎м фæ‎сидтысты æ‎фсады рæ‎нхъытæ‎м. Уым йæ‎ хæ‎с куы сæ‎ххæ‎ст кодта, уæ‎д сыздæ‎хт фæ‎стæ‎мæ‎ йæ‎ райгуырæ‎н хъæ‎умæ‎, сахуыр кодта киномеханикы дæ‎сныйадыл. Кусын райдыдта Беслæ‎ны кинотеатр «Спутник»-ы. Ирон кинонывтæ‎н сæ‎ хуыздæ‎р- тæ‎й иу «Фатимæ‎» куы фæ‎зынд, уæ‎д æ‎й фыццаг хатт Хасан равдыста ацы кинотеатры, уый уыд 28 октябры 1959 азы.
Хасан Рахизфарсы районы кинотеатры директорæ‎й фæ‎куыста 61 азы. Уыцы рæ‎стæ‎г хорзæ‎хджын æ‎рцыд бирæ‎ хæ‎рзиуджытæ‎й, майдантæ‎й: «100 азы Ленины райгуырдыл», «К 75-летию Победы», «Почетный кинематографист» æ‎мæ‎ кады гæ‎ххæ‎ттытæ‎й.
Беслæ‎ны Уастырджийы кувæ‎ндонмæ‎ дзуарæ‎н лæ‎ггадгæ‎нæ‎гæ‎й æ‎взæ‎рст æ‎рцыд 1991 азы. Уæ‎дæ‎й нырмæ‎ рацыд бирæ‎ рæ‎стæ‎г, æ‎мæ‎ ма абоны онг дæ‎р у дзуарæ‎н лæ‎ггадгæ‎нджытæ‎н сæ‎ советы сæ‎рдар.
Нæ‎ фембæ‎лды мын Хасан радзырдта:
— Нæ‎ кувæ‎ндон, цæ‎мæ‎й фæ‎рæ‎сугъддæ‎р æ‎мæ‎ фæ‎нывылдæ‎р уыдаид, уыцы зын, фæ‎лæ‎ хъæ‎угæ‎ хæ‎с йæ‎химæ‎ райста уæ‎ды рæ‎стæ‎джы ЖБК-йы хицау Фриаты Хадзымурат. Йæ‎ фарсмæ‎ æ‎рбалæ‎ууыдысты Дзуццаты Чермен, Хасæ‎гаты Никъала, Мамсыраты Камал, Коцойты Хъасболат, Дзæ‎хаты Аузби, Бæ‎доаты Тельмæн, Хъуыдаккаты Кипус, Андиаты Мишæ‎ æ‎мæ‎ мæ‎хæ‎дæ‎г дæ‎р. Нæ‎ къухы бафтыд бирæ‎ куыстытæ‎ саразын, се ‘ппæ‎ты тыххæ‎й газеты ныффыссынæ‎н, æ‎вæ‎ццæ‎гæ‎н, фадат нæ‎й, фæ‎лæ‎ дзы уæ‎ддæ‎р иу-цалдæ‎ры тыххæ‎й зæ‎гъдзынæ‎н.
Ивд æ‎рцыд кувæ‎ндонмæ‎ æ‎рбацæ‎уæ‎ны дуар (ворота) рæ‎сугъддæ‎р æ‎мæ‎ аивдæ‎р дуарæ‎й, амад æ‎рцыдысты йæ‎ цæ‎джындзтæ‎. Арæ‎зт æ‎рцыд, 300 куывддзауы кæ‎м æ‎рбадой, ахæ‎м сара. Ныссагътам 200 бæ‎рц туйæ‎ бæ‎лæ‎стæ‎. Кувæ‎ндоны кæ‎рт æ‎хгæ‎д æ‎рцыд æ‎фсæ‎йнаг быруйæ‎, стæ‎й йæ‎м уагъд æ‎рцыд электрон рухс æ‎мæ‎ дон; фынгыл æ‎ртæ‎ кувæ‎г лæ‎гæ‎н, алкæ‎мæ‎ндæ‎р сæ‎вæ‎рдтам къæ‎лæ‎тджын бандоны.
Сæ‎йрагдæ‎р сарайы, йæ‎ дæ‎ргъ 35 метры кæ‎мæ‎н у, уый къултыл ауыгъд æ‎рцыдысты дзуæ‎ртты нывтæ‎; арæ‎зт æ‎рцыд 20 æ‎рдынæ‎джы (арка), сæ‎ цæ‎джындзтыл та сын æ‎рцауыгътой дидинджытæ‎; мæ‎хи къухтæ‎й сарæ‎зтон даргъ фынг, стæ‎й йæ‎м, цы бандæ‎ттæ‎ хъуыд, уыдон.
Цæ‎мæ‎й нæ‎ хъайтар Джыбылаты Зауыры ном сæ‎нусон уа, уый тыххæ‎й кувæ‎ндоны фарсмæ‎ йæ‎ номыл арæ‎зт æ‎рцыд туйæ‎ бæ‎лæ‎стæ‎й аллейæ‎.
Уымæ‎й уæ‎лдай, композитор Кокайты Барисæ‎н саразын кодтам героикон зарджытæ‎: Алыккаты Юрийыл, Цекойты Аланыл æ‎мæ‎ Лалыты Левæ‎йыл.
Ме ‘мкусджытæ‎н сæ‎ хорз куысты тыххæ‎й æ‎хсæ‎з адæ‎ймагæ‎н лæ‎вæ‎рд æ‎рцыд майдантæ‎: «К 75-летию Победы» æ‎мæ‎ «Дети войны». Ахæ‎м майдантæ‎й хорзæ‎хджын æ‎рцыд Лалыты Левæ‎ дæ‎р. Нæ‎ дзуарæ‎н лæ‎ггадгæ‎нджытæ‎ стæ‎м 15 адæ‎ймагæ‎й: Алыккаты Х.Г. – сæ‎рдар, Адырхаты С.И. – хæ‎дивæ‎г, Бæ‎доаты А.Ф., Дауыраты Д.Х., Дзгойты И.А.,Хъантемыраты А.Т., Кцойты Г.Г., Мæ‎рзаты Т.А. –
нымæ‎рдар, Озиты К.Г., Плиты Т.З., Созанаты Р.П., Тавитты Э.Р., Томайты С.А., Хæ‎бæ‎латы Э.Р., Ханайты М.А.
Нæ‎ бæ‎рæ‎гбон алы аз дæ‎р фæ‎бæ‎рæ‎г кæ‎нæ‎м Майрæ‎мы мæ‎йы (августы) йæ‎ фыццаг хуыцаубоны.
Йæ‎ агъоммæ‎йы нæ‎ советы уæ‎нгтæ‎ æ‎рæ‎мбырд вæ‎ййæ‎м, æ‎мæ‎ баныхас кæ‎нæ‎м, куыд аивдæ‎р æ‎мæ‎ йæ‎ рæ‎сугъддæ‎р сбæ‎рæ‎г кæ‎нæ‎м, ууыл.
Сæ‎рыстыр стæ‎м нæ‎ районы хицауадæ‎й, сæ‎ сæ‎ргъы Фрайты Сослан, афтæ‎мæ‎й, алы аз дæ‎р нын æ‎хцайы фæ‎рæ‎зтæ‎й кæ‎й баххуыс кæ‎нынц, уый тыххæ‎й. Стыр бузныг зæ‎гъæ‎м Беслæ‎ны фыццæ‎гæ‎м скъола æ‎мæ‎ 8-æ‎м профессионалон училищæ‎йы разамонджытæ‎н, алы хатт дæ‎р нæ‎м æ‎фснайынмæ‎ фæ‎кæ‎сынц: чъырæ‎й сцæ‎гъдынц бæ‎лæ‎стæ‎, бардюртæ‎, саив кæ‎нынц кувæ‎ндоны фæ‎зуат. Арфæ‎йы ныхæ‎сты аккаг сты нæ‎ горæ‎ты фæ‎сивæ‎д. Бæ‎рæ‎гбоны сæ‎умæ‎цъæ‎хæ‎й æ‎рбамбырд вæ‎ййынц, акæ‎нынц кусарт, схæ‎йттæ‎ йæ‎ кæ‎нынц, сфыцынц æ‎й æ‎мæ‎ йæ‎ фынгтыл æ‎рæ‎вæ‎рынц афоныл.
Бæ‎рæ‎гбон, цæ‎мæ‎й цымыдисаг уа, уый тыххæ‎й арæ‎зт æ‎рцæ‎уынц спортивон ерыстæ‎. Куывддзауты зæ‎рдæ‎тæ‎ сæ‎ зард æ‎мæ‎ кафтæ‎й барухс кæ‎нынц районы Ныхасы фольклорон къорды архайджытæ‎. Вæ‎ййы ахæ‎мтæ‎ дæ‎р, кæ‎цытæ‎н се ‘нæ‎низдзинад фæ‎цудыдта, æ‎мæ‎ уымæ‎ гæ‎сгæ‎ бæ‎рæ‎гбонмæ‎ нæ‎ сæ‎мбæ‎лынц. æ‎мæ‎ сын уæ‎д мах сæ‎ хæ‎дзæ‎рттæ‎м барвитæ‎м фæ‎дзæ‎хсæ‎ны хæ‎йттæ‎.
Хицæ‎н ныхасы аккаг у Беслæ‎ны Уастырджийы кувæ‎ндоны кæ‎рты ма ноджы Хуыцауы номыл кувæ‎ндон арæ‎зт кæ‎й æ‎рцыд, уый. Ацы рæ‎сугъд, нывæ‎фтыд найфат сæ‎взæ‎рд Беруаты Мураты хъæ‎ппæ‎рисæ‎й. æ‎ххуыс ын кодтой фæ‎сивæ‎д: Бæ‎заты Заур, Бæ‎ройты Чермен, Бæ‎доаты Аслан, Дзæ‎хаты Аузби, Озиты Хъазыбег, Тавитты Ролан, Хъантемыраты Алан, Борыхъуаты Тасолтан, Плиты Таймураз, Кæ‎сæ‎биты Олег æ‎мæ‎ æ‎ндæ‎ртæ‎. Материалон æ‎гъдауæ‎й чи баххуыс кодта, уыдон та сты: Алыккаты Майрæ‎м, Базраты Георги, Битарты Зелим æ‎мæ‎ Алик, Кокойты Темышо, Къомайты Эдик, Къудзаты Аслан, Лалиты Левæ‎, Мрыкаты Хъазыбег, Плиты Давид, Уататы Зелим, Фрайты Сослан, Хадыхъаты Сослан, Ходы Георгий, Уртаты Хъазбег, Багаты Алихан æ‎мæ‎ æ‎ндæ‎ртæ‎.
Хасан! Бузныг дæ‎ бæ‎стон дзуæ‎ппытæ‎н. Куыд уынæ‎м, афтæ‎мæ‎й дзуарæ‎н лæ‎ггадгæ‎нджытæ‎ удуæ‎лдай куыст кæ‎нынц. æ‎мæ‎ куыд фæ‎зæ‎гъынц, алцыдæ‎р сæ‎рбосæ‎й аразгæ‎ у. Ацы куысты сæ‎йраг бынат ахсы Алыккаты Хасан, у дзуарæ‎н лæ‎ггадгæ‎нджыты сæ‎рдар. Уый разæ‎нгард кæ‎ны йе ‘мбæ‎лтты дæ‎р, æ‎мæ‎ мах хъуамæ‎ хорзæ‎й хорз зæ‎гъынхъом уæ‎м, фыдæ‎бонгæ‎нæ‎г лæ‎гæ‎н йæ‎ куыстæ‎н аргъ скæ‎нын нæ‎ бон уа. Хасан кæ‎д йæ‎ кары бацыд, цæ‎уы йыл 86 азы, уæ‎ддæ‎р нырма у цæ‎рдæ‎г, уæ‎нгрог, алы бон дæ‎р æ‎нæ‎зивæ‎г цæ‎уы кувæ‎ндонмæ‎, æ‎мæ‎ йæ‎ бон цы у, йæ‎ авналæ‎нтæ‎ куыд амонынц, уымæ‎ гæ‎сгæ‎ æ‎нæ‎вгъау лæ‎ггад кæ‎ны дзуарæ‎н. Ис мæ‎м Беслæ‎ны администрацимæ‎ курдиат, цæ‎мæ‎й Алыккаты Хасанæ‎н лæ‎вæ‎рд æ‎рцæ‎уа «Беслæ‎ны кадджын гражданин»-ы ном. Уымæ‎н æ‎мæ‎ Хасан уый аккаг у.

Хæмыцаты Раман,
æ‎æ‎з «Иры Стыр Ныхас»-ы уæ‎нг, Рахизфарсы районы Ныхасы ирон æ‎гъдæ‎утты комитеты сæ‎ргълæ‎ууæ‎г.

Подкатегории