ÆМБЫРДÆЙ

Ирыстоны хохæй-быдырмæ ахæм хъæу æмæ сахар нæ разындзæн, æмæ дзы кувæндон ма уа. Зилгæйæгтæ дæр, раджы замантæй фæстæмæ, æрвылаз фæбæрæг кæнынц майрæмы мæйы (августы), йæ æртыккаг хуыцаубон сæ Къохы дзуары бон. Ацы кувæндон хæссы Уастырджийы ном. Хъæуы бынæттон хиуынаффæйады адми- нистрацийы сæргълæууæг Гæджиты Асланы хъæппæ-рисæй ивгъуыд сабаты хъæуы Культурæйы артдзæсты арæзт æрцыд æмбырд. Йæ сæйрагдæр нысан уыд, цæмæй хъæубæсты цæрджытæ рагацау бацæттæ кæной, бæрæгбон куыд рæсугъддæр æмæ аивдæр скæной, уый фæдыл.

Æмбырды архайдтой хъæуы ныхасы сæрдар Беккуызарты Мæирбег, дзуарылæг Дзусаты Барис, хъæуы хистæртæ: Азиаты Батырбег, Джимиты Æхсар, Бзарты Таймураз, иннæ дзырддзæугæ лæгтæ æмæ фæсивæд. Хуынд æм æрцыдысты районы Ныхасы сæрдар Томайты Савели, йæ хæдивæг Кцойты Гермæн æмæ районы ветеранты советы сæрдар Калоты Анатоли. Æргом ныхас дзы цыд, дзуары бынмæ хъæбæр нозт хæссæн ис æви нæй, уый фæдыл. Ныхасы бар лæвæрд æрцыд Савелийæн.

Стыр Хуыцау, зæдтæ æмæ дауджытæм кувын нæм фыдæлтæй баззад. Æмæ нæ дзæнæты бадинаг хистæртæ куывд цы уагыл кодтой, ахæм фæткыл æй хъуамæ мах дæр æххæст кæнæм. Кувæндон табуйаг бынат у. Уырдæм адæймаг хæрын æмæ нуазынмæ хъуамæ ма цæуа, фæлæ йæхи, йæ бинонты дзуарыл бафæдзæхсынмæ. Æмæ цæмæй нæ кувинæгтæ дзуарæн уой барст, нæ мысайнæгтæ та ист, уый тыххæй дзуары бынмæ цæуын хъæуы канд сыгъдæг зæрдæйы æн- къарæнтимæ нæ, фæлæ цы æмбæлы, ахæм кувинæгтимæ. Хъæбæр нозт дзуар йæхимæ нæ исы, уый æнæзæгъинæгты æрхъуыды у, уыдоны хойраг у æмæ дзы дзуары бын кувын не ‘мбæлы, нæ фæтчы. Æмæ дзуæртты нæхимæ цæмæн фыдæх кæнæм, цæмæн хæссæм сæ бынмæ хъæбæр нозт?! Царды цыдæриддæр бæллæхтæ цæуы, уыдонæн сæ 99% æрцæуынц хъæбæр нозты аххосæй. Кувæндонмæ дæ æртæ кæрдзыны, бæгæныйы авг æмæ мысайнæгтимæ куы ссæуай, уæд дын дæ кувинæгтæ дзуар йæхимæ райсдзæн æмæ дын ахъаз кæндзæн. Ахæм уагыл хъуамæ арæзт цæуой нæ дзуæртты номыл куывдтытæ, — загъта Савели.

Сæ хъуыдытæ ма радзырдтой: Беккуызарты Мæирбег, Дзусаты Барис, Гæджиты Аслан, Азиаты Батырбег, Джимиты Æхсар, Калоты Анатоли, Кцойты Гермæн, Чеджемты Тимур, Хъесаты Хъазыбег, Кокайты Лэрик æмæ иннæтæ. Æмбырды адæмæн сæ фылдæр хай æрцыдысты ахæм хъуыдымæ, цæмæй 19 августы, хуыцаубоны, сæ дзуары бон сбæрæг кæной æнæ карз нозтæй.

ХÆМЫЦАТЫ Раман.

Матвиенко решила стать наставником в конкурсе "Лид...

Спикер Совета Федерации Валентина Матвиенко сообщила, [ ... ]

Рейтинг активности регионов на Конкурсе «Лидеры Ро...

На Конкурс «Лидеры России» поступило более 70 тыс [ ... ]

За первые сутки после старта регистрации на конкур...

Прошли первые сутки с начала регистрации на конкурс &laq [ ... ]

Чемпионам — слава!
Чемпионам — слава!

ЗНАЙ НАШИХ! МОЛОДЫЕ БОРЦЫ ВОЛЬНОГО СТИЛЯ – ПРАВОБЕР [ ... ]

Other Articles