201883 01НÆ КУВÆНДÆТТÆ

Ивгъуыд хуыцаубоны беслæныхъæуккæгтæ сбæрæг кодтой сæ кадджын бæрæгбон. Ку-вæндоны бынмæ зæрдæрухс, хъæлдзæг адæм тындзыдтой сæхи, сæ кæстæрты дзуарыл бафæ-дзæхсынмæ сæ кувинæгтимæ, сæ мысайнæгтимæ. Ам сын сæ куывтой Тетаты Эльврик æмæ Мæрзаты Таймураз. Сæ табутæ сын Хуыцау хорзæй рай-сæд!

Куывд куыд æмбæлы афтæ цæмæй ацæуа, ууыл бацархайдтой куывддоны лæг- гадгæнджытæ, сæ сæргъы Алыккаты Хасан, афтæмæй. Сæ фарсмæ æрбалæууынц нæ ирон чызджытæ æмæ лæппутæ. Ныр дæр та се змæлдыл цæст нæ хæцыд, афтæ архайдтой фынгтæ æрæвæрыныл, нæлгоймæгтæ — кусæрттæгтимæ, дзидза фыцæн агтимæ.

 

201883 03Æртæ кæрдзыны скувыны размæ районы культурæйы Галуаны артисттæ куывд- дзаутæн равдыстой, цы концертон программæ бацæттæ кодтой, уый. Бæрæгбон амонæг Бзарты Таймураз раарфæ кодта Беслæны- хъæуы Уастырджийы кувæндонмæ цы куырыхон хис-тæртæ, буц уазджытæ æмæ нæ зынаргъ кæстæртæ сæмбæлд, уыдонæн æмæ ныхасы бар радта кувæндоны советы сæрдар Алыккаты Хасанæн.

Æнæрынцойæ дыууын фондз азы найфатæн чи лæггад кæны, уый загъта, зæгъгæ, куывд конд цæуы адæмы руаджы. Раарфæ кодта районы культурæйы хайады кусджытæн, «Иры стыр ныхас»-ы районы хайадæн, цы бирæ уазджы-тæ сæмбæлд æд хуынтæ иннæ хъæутæй – Олгинскæйæ, Заманхъулæй, Цæлыккæй, Дагестанæй, Ростовæй æмæ æндæр рæттæй, уыдонæн. Номæй номмæ ранымадта, кувæндоны цы бирæ куыстытæ конд æрцыдис, бæрæгбон бацæттæ кæнынæн, стæй цы ног кувæндон арæзт цæуы Хуыцауы номыл, уыцы хабæрттæн чи баххуыс кодта, уыцы адæмы. Уыдон сты районы æмæ йæ администрацийы сæргълæуджытæ Фрайты Сослан æмæ Беркъаты Константин, парламенты депутаттæ Уататы Зелим, Гуытъиаты Славик, Плиты Иссæйы номыл музейы директор Лалиты Левæ, Бесланы администрацийы сæргълæууæг Дзебойты Станислав, Къомайты Элик, Хадыхъаты Сослан, Азæмæт æмæ Валерий, Бæтæгаты Израил, Черкасты Кирил, Алыккаты Костя æмæ бирæ æндæртæ. Йæ ныхасы кæрон загъта, фынгтыл кæй нæ уыдзæн карз нозт, хатыр ракуырдта, бæркад кæй зæрдæмæ нæ фæцæуа, уыдонæй, уымæн æмæ цы æхца æртымбыл, уыдон хардз- гонд æрцыдысты кувæндоны фæлгонц фæнывылдæр кæныныл. Уымæн та бæрæгбондзаутæ сæхæдæг уыдысты æвдисæн, дæргъæйдæргъмæ мæнгагъуысты къултæ аивгонд уыдысты нæ табуйаг дзуæртты нывтæй.201883 04

Мысайнæгтæ цас уыдысты æмæ цæуылты хардзгонд æрцыдысты, уымæн дзуапп радта йæ раныхасы Кцойты Гермæн, ацы хъуыддаг баргонд кæмæн у, уый.

Кувæндоны равзæрды, йæ историйы тыххæй уацхъуыд бæлвырдæй нæ газет «Рахизфарсы цард»-ы «Иры стыр ныхас»-ы районы хайад æрæджы ныммыхуыр кодта. Ам дæр æй хайады сæрдар Томайты Савели бæрæгбондзаутæн йæ арфæты фæстæ лæмбынæг радзырдта.

Уæхи, уæ бинонты фæдзæхсынмæ æрбацыдыстут, æмæ уын Уастырджи æххуысгæнæг уæд. Нæ ирон æгъдæуттæ нæ сæры зонды куыд уой алы хатт дæр, ахæм арфæ нæ уæд, — загъта йæ раныхасы Дзебойты Станислав, горæты разамынды минæвар.

Нæ куырыхон хис-тæрты, районы сæргълæуджыты, ирон адæммæ кадджын цы уаз- джытæ сты, хæдзары къона хъармгæнæг цы сылгоймæгтæ сты, нæ царды рæсугъддæр бонтæ баст кæйимæ сты, нæ уидæгтæ цы кæстæртæ сты, нæ буц хистæртæ Хуыцау æмæ зæдтыл кæй фæдзæхсынц, уыдоны се 'ппæты номыл хъуысыдысты зарджытæ, фæндыры цæгъдтытæ. Сæрмагондæй музыкалон саламæй раарфæ кодтой Уататы Зелимæн. Акодтой сæ Кокайты Заремæ, Дзæ-рæгъæсты Алинæ, Габысаты Викæ, Хъуысаты Сослан, Цогойты Джулеттæ, Дудиаты Ларисæ.

201883 02Арф уидæгтæ кæмæн нæ уа, уыцы бæласæн бирæ цæрæн нæй. Афтæ махæн дæр нæ райгуырæн зæхх, нæ фыдæлты алæмæты æгъдæуттæ, нæ зарджытæ, нæ диссаджы фæндыры зæлтæ сты нæ уидæгтæ, æмæ нын фидарæй-фидардæр куы кæной, уæд нын сæфынæй тас нæу, — загъта амонæг Бзарты Таймураз æмæ адæмы раздæр рахуыдта нæ нæртон кафт «Симд»-мæ, стæй та – цæмæй се ‘ппæт дæр нæ хистæртæ æмæ кадджын уазджытæ саккаг кæной фынгтæм.

Æмæ мæнæ сæ табутæ райхъуыстысты фынджы æртæ хистæрæн — Хæбæлаты Луккæйæн (Эльбру-сæн), Уыртаты Барисæн æмæ Токаты Тотрадзæн. Стыр Хуыцауæй, Уастырджийæ, Ирыстоны æппæт дзуæрттæй куырдтой ирон адæмæн сабыр, амондджын цард. Цæмæй алкæйы хæ-дзармæ дæр циндзинад æмæ фарн хæссой, цæмæй нæхи фæллойæ куывдтæ кæнæм.

Æнæ раппæлгæ нæй нæ медицинон куысджыты ми-нæвæрттæй дæр. Кувæндоны бынмæ цы бирæ адæм æрæмбырд, уыдоны æнæниздзинадмæ сæ цæст кæй дардтой, уый тыххæй. Сæ уæлхъус лæууыдысты фельдшер Ласкавченко Еленæ æмæ шофыр Абайты Алан сæ тагъд æххуысы машинæйымæ.

Адæмы сабырдзинадыл та архайдтой нæ районы пъæ-лицæйы кусджытæ.

ХОСОНТЫ Земфирæ. Къамтæ систа Сугъараты Кристинæ.