ФЫССЫНЦ НÆМ

Нæ фыдæлтæ-иу афтæ загътой: «Адæймаг бонæн диссаг куы нæ хъусид, уæд йæ хъустæ хæрæджы хъустæй стырдæр суаиккой». Æз цы диссаг фехъуыстон, уый уын радзурон.

Цæвиттон, Мæздæджы чидæр чындз æрхаста. Бæстæ ссис зард, фæндыр- дзагъд, хъазт, кафт, минас. Зæронд устытæ къордтæ-къордтæй цæуынц мыды къус хæрынмæ. Разæй цы къорд уыд, уыдон фынгмæ нæма бацыдысты. Фæлæ чындзы уатмæ йæ фенымæ фездæхтысты. Хистæр разæй бахызт арфæтæ кæнгæйæ. Чындзы йæ хъæбысы куы акодта, уæд æвиппайды йæ ронæй цыдæр æнахуыр хъыллист фæцыдис æндæр æвзагыл. Зæронд фæтарст æмæ фæстæрдæм фæцудыдта. Иннæ устытæ йæ ацахстой æмæ йæ сыгъдæг уæлдæфмæ ракодтой.

Куыд рабæрæг, афтæмæй чындзы дарæс чи кодта, уыдонæн йæ мад бафæдзæхста, цæмæй йын йæ телефон йæ роны бавæрой. Мæхиуыл ахуыр у æмæ, дам, мæм уадз æмæ цы фæнды афон дæр дзура, нырма йæ фæстæ кæсынæй дæр нæма бафсæстæн.

Чындз телефон райста йæ ронæй æмæ йæ мады бафарста:

Мамæ, худинаг нæу, цæмæн мæм æрбадзырдтай?

Мæнæ дæ, зæгъын, афæрсон, чындз уынæг дæм чи цæуы, уыдон цы фæзæ-гъынц? Рæсугъд чындз дæ нæ хонынц?

Уыдоны мæ рæсугъддзинады мæт нал вæййы, дæ телефоны дзæнгæрæгæй æвиппайды удхауд фæвæййынц.

Мыды къусмæ æнхъæлмæ кæсджытæ бадынц. Уалынмæ сæм чындзы заргæ æмæ фæндырдзæгъдгæ бакодтой. Къухылхæцæг Сæрзæды æртæ чъирийы скуывта, хызисæг ын йæ хыз систа. Къухылхæцæджы ус мыды къус райхæлдта, æппæты уæлейы цы зæронд ус бадтис, уый уыд чындзæн йе ‘фсины ‘фсин. Чындз уидыджы мыд систа æмæ йæм æй бадаргъ кодта. Зæронд ус слæууыд йæ мидбыл худгæ, мыды уидыг ын йæ дзыхы куы атъыста, уæд ын зæронд ус ахъæбыс кодта. Æмæ та мæнæ чындзы ронæй телефоны æнахуыр хъыллист фæцыдис. Зæронд ус фесхъиудта, мыд йæ улæфæнты бахауд. Мæлæты къахыл ныллæууыд. Æндæр уатмæ йæ ахастой æмæ тагъд æххуысы машинæмæ адзырдтой. Чындз йе ‘гъдау бакодта æмæ та йæ йæ уатмæ акодтой. Фæстæмæ та дзæнгæрæг йæ ронæй зæллæнг кæны. Чындз телефон райста æмæ та йæ мадæн уайдзæф кæны:

Дæ хорзæхæй, мамæ, адæмы цæгъдын дæумæ кæсы, цæмæн та мæм æрбадзырдтай?

Мад телефон нæ ахуыссын кодта, фæлæ йæ фæрсы:

Дæ уаты кæцон мебел ис, дæ люстрæ зынæргътæй у, дæ рудзынг ‘мбæрзæнтæ та цавæр сты?..

Кæд уыдис уый, æмæ чындз йæ разгæмтты цы кæйдæр хæдзары къулы ‘нцой лæууы, уым йæ мад йемæ ныхæстæ кæна телефонæй? Фыццаг-иу чындз мой куы скодта, уæд-иу йæ цæгатмæ æрæгмæ æрцыдис, æфсæрмы кодта йæ фыд æмæ йе 'фсымæртæй. Афæдзы фæстæ-иу æй йе ‘фсин адæмимæ хуынимæ акодта. Иу къуыри йын-иу бар радта уым абадынмæ. Стæй та-иу æй цæгат дæр æгъдауимæ арвыстой йæ цæрæн хæдзармæ. Ныр уыцы æгъдау рæстæгимæ батади. Фæлæ мæ мадæлтæн зæгъын фæнды: уæ хорзæхæй, йæ чызджы фæстæ уæ кæсынæй чи нæма бафсæды, уый ма-иу æй йæ хæдзары уадзæд. Чындзы кæмæн ацæуынц, уыдон та сæ кæмæ æркуывта, уыцы бинонты бар уадзæнт.

КЪУБАЛТЫ Рая, Зæронд Бæтæхъойыхъæу.

Международному центру памяти - быть!...

Врио министра строительства и архитектуры Константин  [ ... ]

На повестке дня — вопросы культурного развития мол...

Заместитель председателя Правительства РСО-Алания Ир [ ... ]

Большие перспективы малого Брута...

Брут — небольшое село Правобережного района.
Населе [ ... ]

Радужное «золото» из Брута

Амур может быть белым, форель – радужной, а карп –  [ ... ]

Other Articles