КÆМÆЙ СТÆМ СÆРЫСТЫР?

Нæдæр нæ рагфыдæлтæ, нæдæр ныртæккæйы хистæртæ ирон лæджы кад никуы руагътой ныллæг бынатмæ. Уæдæ ма акæсæм нæ домбай кæстæртæм: сыгъдæг арвыл стъалытæ куыд æртъивынц, афтæ бæрæг дарынц æппæт Уæрæсейы адæмы хæттыты æхсæн спорты, сфæлдыстады, ахуырады…

Уæдæ нæ ирон футболисттæ Черчесты Станислав, Дзагойты Алан æмæ Гæбулы фыртæй цы зæгъæн ис. Адæймаг сæ йæ сæр бæрзонд хæссы. Æз иннæ футболистты дæр нымайын хи æфсымæртау, уымæн æмæ сахуыр дæн искæмæн аргъ кæныныл æмæ йе сгуыхтдзинæдтыл цин кæныныл, фæлæ, куыд фæзæ- гъынц, кæрцæй – хæдон хæстæг-дæр у, зæгъгæ, афтæ уыдон сты мæ туг ме стæг æмæ сын аргъ кæнын баззадис фыдæлтæй. Куыннæ хъуамæ цин кæнæм æмæ сæ уæм сæрыстыр, кæд æмæ Уæрæсейы иугонд командæ ‘схызт тынг бæрзонд бынатмæ дунейы чемпионаты, цы ма уа уымæй æхсызгондæр.

Ирон лæг революцийы рæстæг, коммунистон царды, Фыдыбæстæйы Стыр хæсты заман æмæ ныртæккæйы дуджы дæр цыдис раззаг рæнхъыты. Уымæн нæм уыдис кадджын революционертæ, коммунистон партийы аккаг хъæбултæ, Фыдыбæстæйы хъайтартæ, иутæ та райстой хъайтары ном дыууæ хатты. Абон уыдоны фæдонтæ дæлдæр нæ лæууынц. Акæсæм ма нæ номдзыд хъæбысæй æмæ армæйхæцджытæм, уæдæ боксы æмбал кæмæн нæй, уыцы Мурат Гассийы фыртмæ.

Нæ сæрæн футболæйхъазджытæ канд ирон адæймаджы ном нæ бæрзонд кæнынц, фæлæ æнæхъæн Уæрæсейы ном зæххы къорийыл.

Цард уын бантысæд, нæ домбай кæстæртæ, æмæ Хуыцауы цытджын минæвар Уастырджийы уазæг ут, уæ фæндаг уæрæх æмæ лæгъз уæд спорты бæрзæндтæм. Уæлахиз ут кæддæриддæр!

ХЪУЫДАКАТЫ Хъасболат, æхсæнадон уацхассаг.