ФЫССЫНЦ НÆМ

Ацы адæмон æмбисонды хуызæн у нæ цард. Адæмæй иутæ фыр хъалæй бæгæны нуазынмæ дæр фæсарæнтæм атæхынц, иннæтæ сæ пенсийы капеччытæ иу райстæй иннæмæ нымайынц.

Ноджы ма иу хабар та адæмæн ахæм ис: нæ сыхаг Хъуыдæберд йæ хæдзар, йæ зæхх сфæнд кодта, «приватизации» кæй хонынц, афтæ скæнын. Фæцыдис алыхуызон къантортæм 2010 азы. Цы гæххæттытæ æртымбыл кодта, уыдонæн ын æхца фæфидын кодтой. Ныр сæ кæронмæ конд фæуа, зæгъгæ, бацыд «Гипрозем»-мæ æмæ та йын уым загътой, ногæй сæ скæн, зæгъгæ, ныртæккæ уыцы гæххæттытæ нал бæззынц. Хъуыдæберды зæрдæ ныррыст, мæ зæхх æндæрхуызон куынæ фæцис, йæ фæзуат куынæ фæфылдæр, сыхæгтæ мын уый тыххæй сæ къухтæ куы æрæвæрдтой, уæд ма мæ цы тухæнæй марынц, стæй та мын ногæй цæмæн фидын кæнынц, зæгъгæ.

Афтæ иу фысæй дыууæ цармы кæдмæ стигъдзысты.

ХЪУЫДАКАТЫ Хъасболат, æхсæнадон уацхæссæг.